Tveggja þátta auðkenning stuðlar að auknu netöryggi fyrir alla nemendur og starfsmenn Háskóla Íslands. Sjá hér nánar hvernig þú setur upp Tveggja þátta auðkenningu
Hér að neðan er sýnt skref fyrir skref hvernig þú skráir þig inn með tveggja þátta auðkenningu.
1) Þegar þú ert kominn inn á síðu þar sem þú þarft HÍ auðkenningu og ert ekki á háskólanetinu þá þarftu að nota tveggja þátta auðkenningu ef þú hefur sett hana upp hjá þér. Tökum hér dæmi að þú ætlar að skrá þig inn á ugla.hi.is. Byrjaðu á því að smella á „Innskráning“:
2) Sláðu inn netfang og smelltu á „Áfram“:
3) Sláðu inn aðgangsorð og smelltu á „Áfram“:
4) Ef þú ert að nota þína eigin tölvu þá er gott að merkja hér við „Já“. Ef þú hins vegar ert á tölvu sem fleiri hafa aðgang að að þá er betra að merkja við „Nei“ hér:
5) Þegar þú færð þessa skjámynd á tölvuna eða í símanum að þá er verið að bíða eftir því að þú auðkennir þig með Authenticator (sjá næsta skref):
6) Þú ættir að fá skilaboð á símanum sem þú þarft að samþykkja til að geta skráð þig inn. Gott er að hafa Authenticator opið þegar þetta skref er framkvæmt. Það getur verið misjafnt eftir tækjum hvernig þetta lítur út. Smellið á „Samþykkja“ eða „Approve“:
7) Nú gætir þú verið beðin(n) um fingrafar eða pin-númer:
8) Þegar þessu er lokið að þá ættir þú að vera kominn inn á síðuna/kerfið sem þú varst að skrá þig inn á.