VPN fyrir iPad og iPhone

Fylgið eftirfarandi leiðbeiningum til að setja upp VPN tengingu HÍ í iPad með iPadOS 15 og nýrra eða iPhone með iOS 15 eða nýrra. Skjáskotin eru tekin í iPad en ferlið er það sama.

1. Opnið App Store.

App Store táknmyndin.

2. Skrifið í leitargluggann "openvpn connect" og finnið OpenVPN Connection framleitt af OpenVPN Technology. Smellið á "GET" til þess að hlaða því niður og samþykkið niðurhalið.

App Store leit með hnappinum "Get" við OpenVPN forritið.

3. Smellið á "OPEN" þegar niðurhalinu er lokið.

App Store með hnappinum "Open" við OpenVPN forritið.

4. Veljið hvort þið viljið fá tilkynningar frá OpenVPN og samþykkið svo skilmálana.

Stór gluggi með skilmálum OpenVPN og sprettiglugga fyrir tilkynningastillingar í forgrunni.

5. Sækið nú client uppsetningarskrána með því að smella á takkann hér að neðan eða tengilinn hér: client.ovpn
Sækja eduroam skrá

6. Næst þarf að opna client.ovpn skrána í "Downloads" í vafranum. Það er misjafnt eftir vafra hvar þið finnið Downloads en í Safari á iPad smellið þið á merki af ör í hring. Smellið svo á client skrána til þess að opna hana:

Downloads yfirlitið í Safari með client skránni.

7. Þá opnast valmöguleikar um hvernig á að opna skrána. Finnið OpenVPN í listanum og smellið á það. Ef það birtist ekki gætuð þið þurft að fara í "More" til þess að finna það.

Valmynd þar sem hægt er að velja hvar á að opna client skrána.

8. Þá opnast OpenVPN forritið með prófílnum. Farið í "Add":

OpenVPN appið með valmöguleikum um bæta við eða eyða nýjum prófíl.

9. Þá opnast næsta valmynd. Setjið inn notandanafn (ekki með @hi.is), hakið við "Save password" og sláið inn lykilorð. Veljið síðan "Add" til þess að vista.

OpenVPN appið með reitum fyrir notandanafn og lykilorð fyrir nýjan prófíl.

10. Næst eruð þið spurð að því hvort þið viljið heimila forritinu að bæta við stillingum. Veljið "Allow" og sláið inn leyninúmer ef þess er krafist.

Sprettigluggi þar sem OpenVPN óskar eftir leyfi til þess að setja upp VPN tengingar.

11. Núna ætti glugginn að líta svona út. Þá er hægt að smella á rofann til þess að tengjast VPN. Í fyrsta skipti sem tækið tengist þarf að samþykkja VPN tenginguna.

Aðalvalmyndin í OpenVPN þar sem hægt er að kveikja á VPN tengingu.

Annar sprettigluggi frá OpenVPN að óska eftir leyfi fyrir VPN.

12. Þá er uppsetningunni lokið og tengingin ætti að vera orðin virk.

OpenVPN valmyndin með virkri VPN tengingu.

13. Til þess að kveikja á VPN tengingu er bæði hægt að opna OpenVPN forritið og smella á rofann eins og í skrefi 11. eða fara beint í gegnum Settings og smella þar á VPN rofa: