Uppsetning á tveggja þátta auðkenningu með appi

Tveggja þátta auðkenning stuðlar að auknu netöryggi fyrir alla nemendur og starfsmenn Háskóla Íslands.

Auðkenningin er ekki ósvipuð rafrænum skilríkjum og sendir tilkynningu í farsíma til að staðfesta innskráningu. Notendur þurfa ekki að staðfesta innskráningu þegar þeir eru tengdir háskólanetinu.

Hér að neðan er sýnt skref fyrir skref hvernig tveggja þátta auðkenning er sett upp.

Ef þú ert þegar með Tveggja þátta auðkenningu setta upp hjá þér þá eru hér leiðbeiningar hvernig þú skráir þig inn: Innskráning með tveggja þátta auðkenningu

 

1) Farðu inn á mfa.hi.is. ATHUGIÐ að það er best að gera þetta í öðru tæki en símanum sem þú notar fyrir tvíþætta auðkenninguna.
mfa.hi.is

 

2) Sláðu inn netfang og smelltu á „Áfram“:
Sláið inn netfang og smellið á Áfram

3) Sláðu inn aðgangsorð og smelltu á „Áfram“:
Sláið inn aðgangsorð og smellið á Áfram

4) Ef þú ert að nota þína eigin tölvu þá er gott að merkja hér við „Já“. Ef þú hins vegar ert á tölvu sem fleiri hafa aðgang að að þá er betra að merkja við „Nei“ hér:
Skráð(ur) inn áfram

5) Smelltu hér á „Áfram“:
Nánari upplýsingar

6) Þegar þessi mynd hér að neðan kemur á skjáinn þarf að opna símann og sækja Microsoft Authenticator.

Ekki smella á „Áfram“ fyrr en þú ert búin(n) að sækja Microsoft Authenticator:
Setjið Microsoft Authenticator upp í símanum ykkar

Hér sækir þú Microsoft Authenticator App Store eða Google Play:

App StoreGoogle Play

Hægt er að nota önnur sannvottunarforrit og aðrar aðferðir en við mælum eindregið með Microsoft Authenticator.

7) Opnið Microsoft Authenticator í símanum hjá ykkur:
Opnaðu Authenticator í símanum

8) Í símanum þegar þú opnar Microsoft Authenticator í fyrsta skipti smellir þú á „I agree“. ATH að leyfa tilkynningar frá appinu ef þú ert beðin(n) um að leyfa slíkt:
Smelltu á I agree

9) Smellið núna á „Áfram“:
Smelltu á Áfram

10) Nú smellum við á aftur á áfram þegar þessi gluggi kemur upp:
Settu upp reikning

11) Í símanum skaltu velja „Scan a QR code“. Veldu „Vinna eða skóli“ (Work or school) ef þú ert beðin(n) um slíkt:
Veljið Scan QR code á símanum

12) Síminn gæti nú beðið um aðgang að myndavélinni. Gefðu leyfi fyrir því og berðu símann upp að QR kóðanum sem er á skjánum. Smelltu því næst á „Áfram“:
Skannaðu inn QR kóðann

 

13) Í símanum færðu upp glugga þar sem þú ert beðin(n) um að samþykkja innskráninguna. Smelltu á „Samþykkja“ (Approve):
Samþykktu innskráninguna í símanum

14) Tilkynning samþykkt. Smelltu á „Áfram“:
Tilkynning samþykkt. Smelltu á Áfram

Nú ætti allt að vera klárt til að nota tvíþátta auðkenningu. Skrefin hér að ofan ættir þú ekki að þurfa endurtaka fyrr en þú skiptir um síma.

Nú í hvert skipti sem þú skráir þig inn á síður eða kerfi HÍ og ert utan HÍ netsins, þá ertu beðin um að samþykkja innskráninguna í símanum. Sjá nánar hér: Innskráning með tveggja þátta auðkenningu