Prentský fyrir starfsfólk - MacOS

1. Smelltu á "Sækja skrá" hér fyrir neðan til að ná í prentrekla.

 

2. Keyrðu upp skrána og smelltu á "Continue."

 

3. Smelltu á "Continue."

 

4. Smelltu á "Agree."

 

5. Smelltu á "Install."

 

6. Smelltu á "Close."

 

7. Smelltu á Apple merkið (eplið) efst í vinstra horninu og farðu í "System Preferences."

 

8. Opnaðu "Printers & Scanners."

 

9. Smelltu á plús-merkið neðarlega til vinstri í glugganum.

 

10. Hægrismelltu einhversstaðar á autt pláss efst í glugganum (þú gætir þurft að halda inni Ctrl) og smelltu á "Customize Toolbar."

 

11. Dragðu "Advanced" (tannhjólið) upp á stikuna og smelltu á "Done."

 

12. Smelltu næst á "Advanced" efst í glugganum og hafðu stillingarnar eins og í þessu skjáskoti.

Þ.e.a.s. á Type að vera "Windows printer via spoolss", Device er óbreytt í "Another Device", og í URL skrifarðu slóðina "smb://notendanafn@130.208.143.155/prentsky-hi" (athugaðu að nota þitt notandanafn í slóðinni). Name og Location reitirnir mega vera eins og þú vilt, t.d. Prentský og Háskóli Íslands. Að lokum undir Use velurðu "Select Software."

 

13. Veldu rekilinn RICOH MP C3004ex PS (það er best að nota leitarreitinn til þess að finna hann) og smelltu á "OK:"

 

14. Smelltu á "Add:"

 

15. Þá er prentskýið uppsett á tölvunni og birtist eins og hver annar prentari.

 

16. Í fyrsta skipti sem þú prentar mun þessi sprettigluggi birtast. Þú þarft að slá inn Uglu notandanafnið þitt (án @hi.is) og lykilorð og við mælum með því að haka við "Remember this password in my keychain" til þess að þurfa ekki að stimpla það inn í hvert skipti.

Stundum er Name reiturinn sjálfvirkt útfylltur með fullu nafni notandans í tölvunni og þá þarf að stroka það út og slá inn Uglu notandanafnið.

 

17. Prentun er svarthvít og ef stillingum er ekki breytt er prentað báðum megin. Við fyrstu prentun þarf að fara að prentaranum og fylgja leiðbeiningunum sem þar eru til þess að virkja kortið / dropann. Þetta þarf einungis að gera í fyrst skipti sem tæki í prentskýinu er notað. Eftir það getur þú gengið að hvaða Optima skýjaprentara sem er í HÍ og skjalið prentast eftir að þú hefur lagt kort eða dropa að tækinu. Ef þú ert ekki með kort eða dropa er einnig hægt að skrá sig inn með Uglu notendanafni og lykilorði.