Stofna nýjan hóp

Svona eru hópar búnir til. Þessar leiðbeiningar eru í Outlook í vafra en hægt er að stofna hópa á fleiri stöðum.

1) Opnaðu Outlook í vafra með því að fara á outlook.hi.is.

2) Smelltu á plúsinn við hliðina á „Groups“ (birtist þegar bendillinn fer yfir línuna) eða smelltu á „New“ og veldu þar „Group“:
Smellið á plúsinn við hliðinna á "Groups" eða smellið á "New" og veljið "Group"

3) Veldu þá tegund sem hentar hópnum. Það er lítill munur á þessum tegundum svo ef þú ert í vafa veldu þá „Standard group“:
Veldu tegund af hóp

4) Fyllið nú vel út í alla þá reiti sem hér eru.

  • Group name: Nafn á hópnum. ATH að hafa það mjög skýrt og lýsandi. T.d. „Starfsmannafélag“ mundi ekki vera mjög lýsandi því allir í HÍ munu sjá þetta nafn og þá er vonlaust að vita hvaða starfsmannafélag er um að ræða.
  • Group email address: Hver hópur fær sitt netfang sem byggir á nafni hópsins. Hægt er að lagfæra það t.d. ef íslenskir stafir eru í heitinu að þá er hægt að bæta við stöfum í staðinn fyrir þá íslensku. Það koma skilaboð fyrir neðan hvort netfangið sé laust.
  • Description: Settu hér inn lýsingu á hópnum. Gott er að hafa hana skýra svo notendur átti sig á tilgangi þessa hóps.
  • Privacy: Í flestum tilvikum ertu að útbúa hóp fyrir ákveðinn hóp en ekki fyrir allt háskólasamfélagið. Veldu því hér „Private...“. Ef þú velur „Public“ þá munu allir í HÍ hafa aðgang að hópnum.
  • Language for group-related notifications: Hér getur þú valið á hvaða tungumáli tilkynningar frá hópnum berast. Gott er að hafa þetta á ensku ef hópurinn inniheldur erlenda notendur.
  • Send all group...: Hakið hér til að láta alla meðlimi fá tölvupóst þegar umræður og viðburðir eru settir inn fyrir hópinn. Hver og einn notandi getur slökkt á þessu hjá sér óski hann þess.

Smelltu loks á „Create“ efst í vinstra horninu þegar hópurinn er tilbúinn:
Settu inn þær upplýsingar sem beðið er um og smelltu á "Create"

5) Í þessu skrefi ert þú beðin(n) um að bæta við notendum í hópinn. Byrjaðu að skrifa nafn eða netfang viðkomandi og þá birtist listi með notendum. Smelltu á þá notendur sem þú vilt gefa aðgang að hópnum. Smelltu svo á Add þegar þú ert búinn að bæta öllum við sem eiga að vera í hópnum. Getur einnig smellt á Not now og bætt notendum við síðar (Sjá hér að neðan hvernig það er gert: ):
Bættu notendum við hópinn og smelltu á "Add"

6) Þá er hópurinn tilbúinn. Fyrsta sem þú sérð er tilkynning sem inniheldur tengla á frekari aðgerðir fyrir hópinn eins og að hefja samtal, bæta við vefsvæði, deila skrám og tengja forrit:
Hópurinn er tilbúinn