Panopto - fyrir kennara

Á vef Kennslumiðstöðvar er að finna ítarlegar upplýsingar og leiðbeiningar fyrir Panopto: Panopto og upptökur á fyrirlestrum

Hér er myndband sem hentar vel fyrir þá sem eru að taka upp heima eða á öðrum stöðum en í kennslustofum: Panopto leiðbeiningar fyrir kennara

Panopto hentar vel til að taka upp fyrirlestra en einnig fyrir skjáupptökur og kynningar.

Það er hægt að nota Panopto hvar sem er, kennarar geta náð í forritið og tekið upp á sinni eigin tölvu.  – Sótt í gegnum Uglu.  Námskeiðið þar sem upptakan á að vera aðgengileg er valið og smellt á upptökur - og sækja upptökuforrit (ef forritið er í tölvunni birtist sá möguleiki ekki).

Síðan er ný upptaka valin. 

Upptökuforrit Háskóla Íslands sem tengist inn á geymsluserverinn https://rec.hi.is

Almennt um Panopto:

  • Panopto er upptökukerfi Háskóla Íslands og það nota kennarar til að taka upp kennslustundir og kennsluefni. Einnig er hægt að nota það við að streyma útsendingar. Forritið er tiltölulega einfalt í notkun og hægt er að skoða upptökurnar í flestum vöfrum og snjalltækjum.
  • Panopto á að vera uppsett í öllum kennslustofum Háskóla Íslands en að auki geta kennarar sett það upp á sínar eigin tölvur og tekið upp heima.
  • Leiðbeiningar fyrir Panopto er að finna á vef Kennslumiðstöðvar: Panopto og upptökur á fyrirlestrum
  • Aðstoð vegna Panopto (og Zoom) er í hjálparsíma 525-5550 eða í netfangi help[hjá]hi.is (hér neðst á síðunni eru leiðbeiningahlekkir inn á helstu vandamál sem geta komið upp í Panopto).
  • Ef þú eða nemendur geta ekki séð upptökur sem eru á Uglu eða Moodle þá ber að hafa í huga að Háskóli Íslands er með tvö virk kennslukerfi í augnablikinu; 1) Kennsluvef Uglu, 2) Námsumsjónarkerfið Moodle og 3) Námsumsjónakerfið Canvas.
    • Vandamálið er að til að upptökurnar birtist inni í þessum tveimur kerfum þá þarf að setja þær inn á tölvuþjóna sem þjóna sitthvoru kerfinu. Það þýðir að þessi tvö kennslukerfi tengja í upptökur á sitthvorum tölvuþjóninum (Panopto server fyrir Uglu og Panopto server fyrir Moodle). Þetta þýðir að nemendur og kennarar sem eru að nota bæði kerfin geta lent í vandræðum með að sjá upptökurnar ef þeir eru ekki skráðir inn á réttan panopto tölvuþjón.
    • Hér er upptaka þar sem þetta vandamál er rætt og sýnt hvernig hægt er að skrá sig inn á annaðhvort Uglu Panopto eða Moodle Panopto. Vefslóðin til að breyta skráningunni er https://rec.hi.is og upptakan þar sem þetta er sýnt er hér: Hvernig á að skrá sig rétt inn á rec.hi.is

 

Helstu stillingar

Leiðbeiningarhlekkur frá Panopto.Com þar sem hægt er að finna ýmsar leiðbeiningar á ensku.

Afhverju sjá nemendur ekki upptökurnar?