Nú hefur verið opnuð ný innhringiþjónusta fyrir starfsmenn Háskóla Íslands. Nýja
þjónustan er mun öflugri heldur en sú gamla, bæði hvað varðar línufjölda og
hraða. Það er því liðin tíð að ekki náist inn vegna álags.
Nýi innhringibúnaðurinn er af gerðinni Cisco AS5360. Innhringi-búnaðurinn er nú
tengdur nýju Alcatel 4400 samnetssímstöð HÍ. Það eru einkum tveir hópar sem geta
nýtt sér þessa þjónustu. Þeir sem eru ekki með nettenginu á sinni skrifstofu og
þeir starfsmenn Háskólans sem vilja vera tengdir netinu heima hjá sér. Með þessari
tengingu geta notendur nýtt sér þá netþjónustu sem Reiknistofnun býður upp á eins
og t.d. póstþjónustu. Tenging við heimasvæði Með því að tengjast heimasvæði
sínu getur notandi unnið með sömu skjöl bæði í vinnunni og heima hjá sér.
Verð
Mánaðarlegt gjald fyrir ótakmarkaða notkun á innhringisambandi er 350 kr. fyrir þá
sem hafa notandanafn hjá Reiknistofnun Háskólans. Þeir sem eru ekki með notandanafn
hjá RHÍ en hafa notandanafn hjá t.d. Raun-vísindastofnun eða Verkfræði borga 500
kr. mánaðarlega. Sama verð er á mótaldstengingu og samnetsteng-ingu (ISDN).
Umsókn
Sækja þarf sérstaklega um aðgang á eyðublaði á vefnum. Notenda-hópurinn
takmarkast við starfsmenn Háskóla Íslands. Vefslóðin er:
http://www.rhi.hi.is/net/tenging/eydublad.html
Hvað þarf til að geta tengst?
Til þess að tengjast þurfa eftirfarandi skilyrði að vera uppfyllt:
1. Þú þarft að hafa notandanafn innan Háskólans.
2. Þú þarft að skrá þig sem innhringinotanda. Þeir sem eru með
notandanafn hjá Reiknistofnun Háskólans geta sótt um aðgang að innhringisambandi á
vefnum. Þeir sem eru með notandanafn hjá öðrum netlénum innan Háskólans eins og
t.d. Verkfræði- og Raunvísinda-stofnun þurfa að sækja um aðgang hjá sínum
kerfisstjóra.
3. Þú þarft að hafa tölvu með ISDN eða mótaldsbúnaði sjá
vefsíðuna:
http://www.rhi.hi.is/net/tenging/tengimat.htm
Innhringinúmer
Símanúmerið fyrir innhringibúnaðinn er 525-5100. Þar sem gamla og nýja stöðin eru
ekki samtengdar, verður að hringja í bæjarlínu 0525-5100 fyrir þá sem eru að
hringja úr innan-hússlínum Háskólans. Þegar gömlu símstöðinni verður skipt út
í sumar, verður hinsvegar hægt að nota innanhússnúmer 5100 úr innan-hússlínum
Innhringisamband Með því að nýta sér innhringisamband við Háskóla Íslands geta
starfsmenn hans tengst háskólanetinu/Inter-netinu frá heimahúsum/skrifstofum.
Samskiptamáti / -hraði
Búnaðurinn þjónar Samnetsteng-ingum (ISDN) á 64 Kb/s sam-skiptahraða og hliðrænum
mótöldum á 2,4 - 56 Kb/s. Nánari lýsing á búnaðinum og samskiptastöðlum, er að
finna á eftirfarandi vefslóð:
http://www.cisco.com/warp/public/728/AS5300/as5x_ds.htm
Tengimáti
Notendastýring verður á innhringi-aðgangi, svokölluð PPP (Point to Point)
aðgangsstýring. Vilji menn hins vegar tengjast þjónustuvélum þarf notendahugbúnað
á vélinni sem hringir inn t.d. telnet og ftp. Beinn skeljaraðgangur er ekki leyfður.
Innhringibúnaðurinn úthlutar vélinni sem hringir inn einkennistölu (IP-tölu) og
"setur vélina upp að öðru leyti". Ef reynt er að nota aðra óskráða IP
tölu, fæst engin þjónusta og ekki leyfi til að tengjast öðrum vélum.
Allar nánari upplýsingar varðandi innhringibúnaðinn er að finna á vefnum undir
slóðinni:
http://www.rhi.hi.is/net/tenging/
|