Hér á eftir verður gert grein fyrir helstu kerfum sem eru
í þróun eða er viðhaldið hjá hugbúnaðardeild RHÍ. Saman mynda þessi kerfi
UKSHÍ - Upplýsingarkerfi Stjórn-sýslu Háskóla Íslands. Þá verður stuttlega
litið á þróunarumhverfið.
Yfirlit yfir kerfi
Hjá Reiknistofnun Háskólans er starfandi hugbúnaðardeild sem sér um þróun og
viðhald á sérsmíðuðum kerfum stjórnsýslu HÍ. Þessi kerfi tengjast innbyrðis og
því má líta á þau sem eitt heildar upplýsingakerfi. Helstu kerfin eru eftirfarandi:
Nemendakerfi
Á vegum kennslusviðs er unnið að þróun og viðhaldi nemendakerfis (NKHÍ). Kerfið
heldur utan um allar námskeiðaskráningar nemenda í öllum deildum HÍ. Nemendakerfið
samanstendur af nokkrum einingum, t.d. gjaldakerfi sem heldur utan um sölu yfirlita,
vottorða, skólagjalda o.fl., og kerfi sem úthlutar nemendum notendanöfnum og
aðgangsorðum.
Þá er sérstakur skoðunaraðgangur fyrir deildir, þar sem starfsmenn deilda geta
skoðað námsframvindu nemenda og keyrt út lista. Einnig hafa starfsmenn LÍN aðgang
að upplýsingum um nemendur sem taka lán hjá LÍN.
Nemendur geta nálgast upplýsingar um námskeiðaskráningar sínar á
vefslóðinni:
http://www.hi.is/HI/Stjorn/Kennsl/skraning.html
og einkunnir á slóðinni:
http://www.hi.is/HI/Stjorn/Kennsl/einkunn.html
Einkunnir eru uppfærðar tvisvar á dag en skráningar einu sinni á dag. Þegar fram
líða stundir er stefnt að því að nemendur geti skráð sig í námskeið á Vefnum.
Starfsmannakerfi
Á vegum starfsmannasviðs er kerfi sem inniheldur upplýsingar um starfsmenn Háskólans,
t.d. varðandi upphaf og lok ráðningar og framgang launa. Starfsmenn eru flokkaðir sem
fastráðnir kennarar, stundakennarar, sérfræðingar osfrv. Kerfið heldur einnig utan
um vinnuframlag kennara. Eins og fram kemur hér að neðan eru þessar upplýsingar
síðan notaðar á UKSHÍ Vefnum
Handbók Háskólans
Samskiptasvið heldur utan um símakrá og aðsetur starfsmanna Háskólans. Þessar
upplýsingar eru síðan notaðar fyrir útprentun á handbók Háskólans. Upplýsingar
í handbókinni eru aðgengilegar á /Stjorn og eru
þær uppfærðar daglega.
Þjóðskrárkerfi
Hægt er að skoða upplýsingar í þjóðskrá með sérstöku þjóðskrár-forriti.
Einnig er komin vefútgáfa þjóðskrárforrits á UKSHÍ-Vefinn. Þjóðskráin er
uppfærð 7.-10. hvers mánaðar. Reiknistofnun veitir aðgang að þjóðskrá.
UKSHÍ Vefurinn
Til að tengja saman gögn mismunandi kerfa HÍ var UKSHÍ Vefurinn smíðaður. Hér eru
gagnagrunnarnir tengdir og hægt er að framkvæma fyrirspurnir þar sem tvö eða fleiri
kerfi vinna saman. Að nota Vefinn á þennan hátt er mjög hentugt. Þannig er hægt á
auðveldan hátt að búa til heildarkerfi sem er óháð vélbúnaði notenda og er
bæði ódýrt og öflugt. UKSHÍ Vefurinn er nýtt kerfi sem veitir notendum
skoðunaraðgang að upplýsingum úr starfsmannakerfi, þjóðskrá, nemendakerfi og
bókhaldi.
UKSHÍ Vefurinn er í þróun og eru ekki allir hlutar þess tilbúnir. Í dag er t.d.
hægt að skoða upplýsingar í þjóðskrá, fletta launafærslum starfs-manna og skoða
kostnað á námskeið. Framundan er því þróun á uppflettingu upplýsinga um
nem-endur, starfsmenn og námskeið.
Uppfletting á launafærslum og nám-skeiðskostnaði eru á vegum starfsmannasviðs og
aðgangur að þeim hluta er veittur af þeim. Launafærslur starfsmanna eru uppfærðar
mánaðarlega. Launa-færslur ásamt vinnuframlag kennara á námskeiði eru notaðar til
að reikna út námskeiðskostnað. Til að reikna kostnað á þreytta einingu sækir
kerfið upplýsingar um námskeiðaskráningar til kennslusviðs.
Á vegum fjármálasviðs er nú þegar í þróun uppfletting á bókhaldsgögnum og
verður það tilbúið til notkunar innan skamms. Kerfið er langt komið og munu gögn
verða uppfærð frá fjármálasviði daglega. Notendur UKSHÍ Vefsins eru starfsmenn
allra deilda, sviða og stofnana Háskólans. Til þess að fá aðgang að kerfinu þarf
að fá samþykki viðkomandi sviða, þar sem þau eru eigendur gagnanna.
Námsráðgjöf
Kerfi námsráðgjafar heldur utan um skráningu nemenda og annarra einstaklinga sem leita
til náms-ráðgjafar. Þetta kerfi er á vegum námsráðgjafar og er einungis notað af
þeim.
Þróunarumhverfi
Fyrir þá sem áhugasamir eru um tæknilegu hliðina eru hér helstu upplýsingar er
varða þróunar-umhverfið. Nemendakerfið er þróað í Informix 4gl og keyrt á Unix
og eru gögnin geymd á Informix Online Workgroup Server gagnagrunni á Solaris.
Starfsmannakerfið er þróað og keyrt á 4th Dimension undir Macintosh og eru gögnin
geymd í Informix gagnagrunni undir Unix. 4th Dimension á Macintosh og Informix eru tengd
með 4D DAL á Macintosh og DAL Server sem keyrir á AIX.
UKSHÍ vefurinn er þróaður og keyrður með Informix 4gl ásamt Informix 4gl CGI
library (Informix Webkits) undir Unix og eru gögnin geymd á Informix gagnagrunni undir
Solaris.
Lokaorð
Ekki er hlaupið að því að finna eitt sameiginlegt notendaumhverfi fyrir öll
undirkerfi UKSHÍ. Kemur þar helst til að bæði PC og Macintosh tölvur eru notaðar af
deildum, sviðum og stofnunum Háskólans. Til að einfalda málið þyrfti helst að hafa
eina tegund einkatölva eða að kerfin væru óháð vélbúnaði. Sem lausn á því
vanda-máli var UKSHÍ Vefurinn smíðaður. Þar geta allir notendur skoðað
upplýsingar án tillits til vélbúnaðar. En þar eru þær takmarkanir að einungis er
um skoðunaraðgang að ræða. Í framtíðinni þyrfti að vera hægt að skrá
upplýsingar jafnframt því að skoða þær.
Eins og staðan er í dag er Upplýsingakerfi Stjórnsýslu Háskólans mikið notað og
með þeim viðbótum við UKSHÍ Vefinn sem fyrirhugaðar eru, verður myndin heildrænni
og því þægilegt fyrir notendur að nálgast öll gögn á einum stað. |