nr. 34 maí 1998

Reiknistofnun birtir nú „Kennitölur úr rekstri" eins og gert hefur verið undanfarin ár, til að reyna að fá yfirlit yfir og fylgjast með þróun í rekstrarmálum stofnunarinnar.

Talnaglaðir lesendur geta skemmt sér með því að rýna í tölurnar. Fyrir hina sem kjósa frekar að fá tölulegar upplýsingar matreiddar er hægt að benda á ýmislegt sem hægt er að lesa úr tölunum.

Mest áberandi er áframhaldandi vöxtur á notkun Veraldarvefs (WWW), með ársvexti yfir 100%. Á hinn bóginn er Gopher greinilega dautt kerfi, og verður hætt að birta tölur um notkun á Gopher eftir þetta yfirlit. (Er einhver sem man eftir Gopher ... ?)

Diskarými notað af háskólanemendum hefur aukist á tímabilinu svo um munar, nánara tiltekið um 65% milli ára. Heildardiskarými í boði fyrir nemendur í nóvember í fyrra var 34,4 GB.

Notkun tölvupósts heldur áfram að vaxa hratt, þó svo að fjöldi tölvupóstnotenda hjá háskólanum haldist stöðugt.

Háskólanetið vex, með ársvöxt 23%.

Einnig er áhugavert að skoða þróun í fjölda notenda. Lítilsháttar samdrátt er hægt að sjá þar, sem ég túlka á þann veg að þörf núverandi notendahóps sé mettuð. Smávægileg fækkun á notendafjölda endurspeglar helst aukið kostnaðareftirlit

Síðast en ekki síst má sjá út úr tölunum að notkun á Windows NT jókst mjög hratt árið1997 í kjölfarið á endurnýjun sem átti sér stað það ár. Helsti orsakavaldur hér var ábyggilega sú endurnýjun á búnaði í flestum tölvuverum þar sem eldra notendaumhverfi Windows 3.11 var skipt út fyrir Windows NT stýrikerfi.

Kennitölur úr rekstri RHÍ