Frettir

RHÍ Fréttir	nr. 32 desember 1997


Nýr starfsmaður Nú á haustmánuðum tók til starfa nýr starfsmaður hjá Reiknistofnun. Heitir hann Ragnar Már Vilhjálmsson og mun starfa við notendaþjónustu. Ragnar starfaði áður sem hlutastarfsmaður stofnunarinnar. Við bjóðum Ragnar velkominn til starfa. Kerfi 8 fyrir Macintosh Nýlega kom nýtt stýrikerfi fyrir Macintosh á markað. Þetta er kerfi 8. Þrátt fyrir að þetta kerfi byggi enn á gömlum grunni hafa orðið á því nokkrar veigamiklar breytingar sem ekki sjást á yfirborðinu. Þar má helst nefna að búið er að endurskrifa “Finder" fyrir PowerPC, þannig að hann er nú nokkuð hraðvirkari, auk þess sem hann bíður uppá ýmsa nýja möguleika. Auk þessa getur “Finder" nú verið með nokkur verk í gangi í einu (fjölþráðavinnsla). Ýmsar minni breytingar hafa verið gerðar á kerfinu, þar á meðal útlitsbreytingar og breytingar sem ætlað er að gera viðmót stýrikerfisins þægilegra. Hér eru dæmi um nokkrar breytinganna: Nýtt stjórnborð: býður m.a. uppá að myndir séu notaðar sem bakgrunnur skjáborðs. Þrívídd: Möppur, gluggar, framvindustikur og fleira hafa nú öðlast þrívítt útlit. Nýtt stjórnborð: Býður uppá að ýmsum stillingum s.s. litum, stafagerð og áherslutexta sé breytt. Aðstoð við uppsetningu: Þegar vélin er ræst í fyrsta sinn á nýja stýrikerfinu fer í gang hjálparforrit (Mac OS setup Assistant). Þetta forrit aðstoðar síðan við uppsetningu tölvunnar. Netuppsetning: Komið er hjálparforrit (Internet Setup Assistant) til þess að einfaldauppsetningu á netsambandi um mótald eða staðarnet. Auk þessa styður nýja kerfið mikinn fjölda eldri Macintosh forrita þannig að fólk ætti ekki að lenda í vandræðum með að nota þau forrit sem það er þegar búið að kaupa fyrir eldri útgáfur stýrikerfisins. Það skal þó tekið fram að nýja kerfið keyrir einungis á vélum með PowerPC (68040-) örgjörva og að lágmarki 12 MB vinnsluminni. Flýtilyklar í Macintosh Gott getur verið að nota flýtiskipanir þegar unnið er á Macintosh. Þegar slíkar skipanir eru orðnar manni tamar geta þær sparað umtalsverða vinnu. (plús táknar að halda eigi niðri báðum hnöppum) epli + w -- lokar glugga epli + q -- hætta í forriti epli + a -- velja allt epli + . (punktur) -- Stöðva keyrslu (break) Hér á eftir eru svo skipanir sem hjálpað geta ef tölvan frýs. val + epli (meðan ræst er) -- endurbyggir skjá borð. ctrl + epli + ræsihnappur -- endurræsa tölvuna shift (meðan ræst er) -- viðbætur óvirkar Pappírsrýrnun í tölvuverum Öðru hvoru ber á því að nemendur kvarti yfir að pappír vanti í prentara í tölvuverum RHÍ. Af því tilefni var nýlega gerð ítarleg úttekt á A4 pappírs-notkun í tölvuverum og voru til þess notuð gögn úr teljurum prentara í verunum. Þegar niðurstöður teljaranna og inn-keypt pappírsmagn var borið saman kom ýmislegt í ljós. Þannig er ljóst að umtalsverður hluti þess pappírs sem keyptur var síðastliðið ár hefur horfið með dularfullum hætti þar sem þessi pappír hefur aldrei skilað sér í gegnum teljara prentaranna. Hér er því um mikla rýrnun og umtalsverða fjármuni að ræða. Pappír sem liggur frammi í tölvuverum Háskólans er reikningsfærður á RHÍ og er að sjálfsögðu einungis ætlaður til notkunar í viðkomandi prentara og er óheimilt að nýta hann með öðrum hætti.

Notendaþjónusta RHÍ, 16. febrúar 2000