nr. 31 maí 1997

Fréttamolar

Macintosh staðir á vefnum

Á vefnum er að finna mjög marga góða staði þar sem gott er að fylgjast með nýjungum í tölvuheiminum. Fyrir Macintosh notendur/aðdáendur er um marga staði að ræða en hérna birtast nokkrir þeirra sem flestir eru uppfærðir daglega (jafnvel oft á dag) og þar er hægt að finna allt sem snertir hug- og vélbúnað tengdan Macintosh ásamt ýmsum öðrum fréttum.

http://www.macintouch.com - fréttir um hug- og vélbúnað ásamt mörgu fleiru.
http://www.maccentral.com - fréttir um hug- og vélbúnað. Þarna er einnig að finna "MacTip of the week³ en þar er fjallað á ítarlegan hátt um eitthvað sem tengist Macintosh vél- eða hugbúnaði.
http://www.macfixit.com - fréttir og upplýsingar um galla í hug- og vélbúnaði.
http://www.macweek.com/ - netútgáfa af tímaritinu MacWeek sem gefið er út vikulega.
http://rumors.netexpress.net - fréttir og slúður úr Macintosh heiminum.

Ný útgáfa af Eudora

Talsvert er um að starfsmenn HÍ hafi samband við notendaþjónustu RHÍ vegna vandræða við að taka á móti viðhengjum (attachments) í Eudora. Í mörgum tilfellum hefur verið um að ræða gamlar útgáfur af forritinu sem geta ekki móttekið tölvupóst á nýju sniði sem kallast MIME. Þessum notendum hefur í mörgum tilfellum verið bent á að ná sér í nýja útgáfu af Eudora. Nýjustu Macintosh og Windows útgáfur forritsins er ávallt hægt að nálgast á:

http://www.eudora.com

Nýjasta útgáfan fyrir Macintosh er 3.1 Lite en 3.0.1 fyrir Windows. 3.1 fyrir Windows sem inniheldur ýmsar nýjungar er væntanleg bráðlega.